Actualitats
Grècia: d’eleccions poirián installar l’esquèrra radicala al poder
Lo país sens president. Eleccions anticipadas lo 25 de genièr. Lo movement Syriza, de l’esquèrra radicala, poiriá accedir al poder. Promet de n’acabar amb l’austeritat qu’aganís lo pòble grèc
Pas de president elegit
Lo Parlament de Grècia deviá elegir lo novèl president de la republica, qu’es lo cap de l’estat e que ten un ròtle limitat, mentre que lo poder essencial es en mans del primièr ministre. Los deputats del Parlament son pas arribats a la majoritat exigida per causir un president, malgrat tres torns de vòte (primièr e segond torns los 17 e 23 de decembre amb una majoritat non obtenguda de 200 vòtes sus 300, tresen torn lo 29 de decembre amb una majoritat non obtenguda de 180 vòtes sus 300).
En aquel tipe de cas, la constitucion grèga prevei de dissòlver lo Parlament e d’organizar d’eleccions legislativas anticipadas, que ne sortirà un Parlament renovat, e aquel deurà elegir un president de la republica, mas aqueste còp una majoritat absoluda sufirà (151 vòtes sus 300).
Aquela constitucion exigenta, installada en 1975, a la tòca de garentir un mandat incontestable del pòble e vòl evitar lo retorn d’una dictatura coma la del Regim dels Coronèls, qu’oprimiguèt Grècia de 1967 a 1974.
Una crisi que devasta lo país
Ara, dempuèi que la crisi economica a esclatat en 2008, los govèrns grècs successius an acceptat d’aplicar de mesuras drasticas d’austeritat exigidas per los organismes internacionals, en escambi d’una sèria de prèstes enòrmes qu’empachan Grècia de far quicanèla. Los tres organismes internacionals que prèstan l’argent se coordenan dins una “tròica”: son la Comission Europèa (de l’UE), la Banca Centrala Europèa (BCE) e lo Fons Monetari Internacional (FMI).
Los govèrns grècs qu’obesisson a la tròica son dominats per los dos pus grands partits del país: la Nòva Democracia (ND), qu’es de drecha e qu’es al poder ara, e lo PASOK, qu’es de centresquèrra e que sosten aquel govèrn de drecha. Lo PASOK coneis uèi una casuda vertiginosa al près dels elegeires.
Las mesuras d’austeritat, dictadas per la tròica, an pres lo nom de “memorandum”. An pas capitat a sortir Grècia de la crisi e la vida vidanta de la populacion a empejorat: caumatge massís al 27%, casuda dels salaris, desparicion de fòrça servicis publics, apauriment, malnutricion e malautiás non sonhadas, licenciaments brutals, drech del trabalh demenit, suicidis en aumentacion, entrepresas barradas o vendudas al capital estrangièr, una delinquéncia endemica que los grècs coneissián pas gaire abans 2008, creissença del partit neofaissista Chrysi Avgi (“Alba Daurada”)...
La recenta pojada de l’esquèrra radicala
A las darrièras eleccions legislativas de 2012, l’ND e lo PASOK an gardat lo poder amb dificultat mas lor politica d’austeritat a rescontrat una impopularitat enòrma. Lo partit Syriza, que se vòl de l’esquèrra radicala, a obtengut de resultats fòrça elevats. Un fum d’elegeires del PASOK ara vòtan per Syriza.
Ara, las eleccions legislativas anticipadas auràn luòc lo 25 de genièr. Los sondatges anóncian una victòria probabla de Syriza aqueste còp. Seriá lo primièr còp qu’un movement francament d’esquèrra accediriá al poder en Grècia.
Syriza a anonciat dins son programa que vòl impausar a la tròica una renegociacion ferma dels prèstes e la fin de la politica d’austeritat. Syriza precisa totun que vòl manténer Grècia dins l’Union Europèa e la Zòna Èuro. Lo lidèr de Syriza, lo jove deputat Alexis Tsipras, poiriá devenir lo novèl primier ministre. Per tant, Tsipras s’afana per se donar un imatge rassegurant cap als elegeires qu’esitan encara de votar per el.
Pressions contra Syriza
Los partits tradicionals, l’ND e lo PASOK, sostenguts per certans jornalistas e per la Comission Europèa, afirman que lo futur seriá apocaliptic se per cas Syriza arribèsse al poder. L’actual primièr ministre, Antonis Samaras, de l’ND, multiplica las prediccions sornas e assaja de jogar sus la paur dels elegeires indecises.
La borsa d’Atenas, ièr, coneguèt una baissa subita d’un 11%. D’autras borsas europèas tanben baissèron. E l’FMI anoncièt tanben ièr que congelava l’enviament d’ajuda financièra en tot esperar quina situacion politica resultariá de las eleccions. L’FMI a avertit que l’ajuda s’aturarà se s’aplica pas las reformas exigidas per la tròica.
A l’esquèrra del panorama politic, lo vièlh Partit Comunista Grèc (KKE) cèssa pas de dire que se mesfisa de Syriza e que li vòl pas acordar d’aliança ni de sosten. Cal dire que lo KKE supòrta pas lo succès recent de Syriza, que Syriza es nascut d’una scission del KKE dins los ans 1990.
En marge de Syriza, de partits pus pichons, venent de tendéncias plan divèrsas, espèran tanben d’emergir amb de resultats interessants.
Intencions de vòte
Un sondatge del 28 de decembre (Palmos/TVXS) prevei las intencions de vòte seguentas:
1. Intrada probabla al Parlament
2. Intrada pauc probabla al Parlament (per aver de deputats, cal obténer lo 3%)
3. Divèrses
(Article actualizat a 11h30)
Lo Parlament de Grècia deviá elegir lo novèl president de la republica, qu’es lo cap de l’estat e que ten un ròtle limitat, mentre que lo poder essencial es en mans del primièr ministre. Los deputats del Parlament son pas arribats a la majoritat exigida per causir un president, malgrat tres torns de vòte (primièr e segond torns los 17 e 23 de decembre amb una majoritat non obtenguda de 200 vòtes sus 300, tresen torn lo 29 de decembre amb una majoritat non obtenguda de 180 vòtes sus 300).
En aquel tipe de cas, la constitucion grèga prevei de dissòlver lo Parlament e d’organizar d’eleccions legislativas anticipadas, que ne sortirà un Parlament renovat, e aquel deurà elegir un president de la republica, mas aqueste còp una majoritat absoluda sufirà (151 vòtes sus 300).
Aquela constitucion exigenta, installada en 1975, a la tòca de garentir un mandat incontestable del pòble e vòl evitar lo retorn d’una dictatura coma la del Regim dels Coronèls, qu’oprimiguèt Grècia de 1967 a 1974.
Una crisi que devasta lo país
Ara, dempuèi que la crisi economica a esclatat en 2008, los govèrns grècs successius an acceptat d’aplicar de mesuras drasticas d’austeritat exigidas per los organismes internacionals, en escambi d’una sèria de prèstes enòrmes qu’empachan Grècia de far quicanèla. Los tres organismes internacionals que prèstan l’argent se coordenan dins una “tròica”: son la Comission Europèa (de l’UE), la Banca Centrala Europèa (BCE) e lo Fons Monetari Internacional (FMI).
Los govèrns grècs qu’obesisson a la tròica son dominats per los dos pus grands partits del país: la Nòva Democracia (ND), qu’es de drecha e qu’es al poder ara, e lo PASOK, qu’es de centresquèrra e que sosten aquel govèrn de drecha. Lo PASOK coneis uèi una casuda vertiginosa al près dels elegeires.
Las mesuras d’austeritat, dictadas per la tròica, an pres lo nom de “memorandum”. An pas capitat a sortir Grècia de la crisi e la vida vidanta de la populacion a empejorat: caumatge massís al 27%, casuda dels salaris, desparicion de fòrça servicis publics, apauriment, malnutricion e malautiás non sonhadas, licenciaments brutals, drech del trabalh demenit, suicidis en aumentacion, entrepresas barradas o vendudas al capital estrangièr, una delinquéncia endemica que los grècs coneissián pas gaire abans 2008, creissença del partit neofaissista Chrysi Avgi (“Alba Daurada”)...
La recenta pojada de l’esquèrra radicala
A las darrièras eleccions legislativas de 2012, l’ND e lo PASOK an gardat lo poder amb dificultat mas lor politica d’austeritat a rescontrat una impopularitat enòrma. Lo partit Syriza, que se vòl de l’esquèrra radicala, a obtengut de resultats fòrça elevats. Un fum d’elegeires del PASOK ara vòtan per Syriza.
Ara, las eleccions legislativas anticipadas auràn luòc lo 25 de genièr. Los sondatges anóncian una victòria probabla de Syriza aqueste còp. Seriá lo primièr còp qu’un movement francament d’esquèrra accediriá al poder en Grècia.
Syriza a anonciat dins son programa que vòl impausar a la tròica una renegociacion ferma dels prèstes e la fin de la politica d’austeritat. Syriza precisa totun que vòl manténer Grècia dins l’Union Europèa e la Zòna Èuro. Lo lidèr de Syriza, lo jove deputat Alexis Tsipras, poiriá devenir lo novèl primier ministre. Per tant, Tsipras s’afana per se donar un imatge rassegurant cap als elegeires qu’esitan encara de votar per el.
Pressions contra Syriza
Los partits tradicionals, l’ND e lo PASOK, sostenguts per certans jornalistas e per la Comission Europèa, afirman que lo futur seriá apocaliptic se per cas Syriza arribèsse al poder. L’actual primièr ministre, Antonis Samaras, de l’ND, multiplica las prediccions sornas e assaja de jogar sus la paur dels elegeires indecises.
La borsa d’Atenas, ièr, coneguèt una baissa subita d’un 11%. D’autras borsas europèas tanben baissèron. E l’FMI anoncièt tanben ièr que congelava l’enviament d’ajuda financièra en tot esperar quina situacion politica resultariá de las eleccions. L’FMI a avertit que l’ajuda s’aturarà se s’aplica pas las reformas exigidas per la tròica.
A l’esquèrra del panorama politic, lo vièlh Partit Comunista Grèc (KKE) cèssa pas de dire que se mesfisa de Syriza e que li vòl pas acordar d’aliança ni de sosten. Cal dire que lo KKE supòrta pas lo succès recent de Syriza, que Syriza es nascut d’una scission del KKE dins los ans 1990.
En marge de Syriza, de partits pus pichons, venent de tendéncias plan divèrsas, espèran tanben d’emergir amb de resultats interessants.
Intencions de vòte
Un sondatge del 28 de decembre (Palmos/TVXS) prevei las intencions de vòte seguentas:
1. Intrada probabla al Parlament
— lo 29,9% per Syriza (esquèrra radicala)
— lo 23,4% per la Nòva Democracia (ND, drecha, direccion del govèrn sortent)
— lo 7,1% per Potami (centredrecha)
— lo 6,5% per Crysi Avgi (neofaissistas)
— lo 3,8 per lo KKE (comunistas tradicionals)
— lo 3,3% per lo PASOK (centresquèrra, govèrn sortent)
— lo 23,4% per la Nòva Democracia (ND, drecha, direccion del govèrn sortent)
— lo 7,1% per Potami (centredrecha)
— lo 6,5% per Crysi Avgi (neofaissistas)
— lo 3,8 per lo KKE (comunistas tradicionals)
— lo 3,3% per lo PASOK (centresquèrra, govèrn sortent)
2. Intrada pauc probabla al Parlament (per aver de deputats, cal obténer lo 3%)
— lo 2,6% per los Grècs Independents (drecha)
— l’1,2% per los Ecologistas Verds
— lo 3,3% per las autras listas
— l’1,2% per los Ecologistas Verds
— lo 3,3% per las autras listas
3. Divèrses
— l’11,7% son indecises
— lo 2,6% vòlon votar blanc o nul
— lo 2,1% vòlon pas votar
— lo 2,6% sabon pas o vòlon pas respondre.
— lo 2,6% vòlon votar blanc o nul
— lo 2,1% vòlon pas votar
— lo 2,6% sabon pas o vòlon pas respondre.
(Article actualizat a 11h30)
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es pas de creire lo biais qu'an totes los medias mai coneguts de deslegitimar l'esquèrra en parlant de l'eleccion de totes los dangièrs en Grècia. Tanplan coma en Espanha ont, se per cas, Podemos passa a la television se tenon pas de li mençonar ETA vint còps pendent l'entrevista per establir a la fòrça "Podemos = terrorisme". Òsca per Podemos e Syriza!
Un pichòt aclariment lexical : esquèrra "radicala" significa tot simplament "una esquèrra qu'es à esquèrra e non pas a dreita coma los PS franés, ctalan ni castelhan, per exemple". Per exemple, lo president Hollande foguèsse estat "radicalament" a esquèrra, auriá tengudas sass promessas electoralas… Coma, tot parrièr, Mitterrand, vint ans abans…
Poria far espetar europa . E atal en bona dictatura Bruxelles diguèt als grècs çò qu'era bon de votar, es a díser per l'ancian president. A Bruxelles n'an res a far de la democracia e dels pòbles.
Manca d'escasença los deputat grècs ne'n decidigueron d'un autre biais. Bruxelles ça diguèt qur caldriá tornar negociar totas las ajudas apèi las eleccions....
Siá Grecia contunha lo son plan de reformas impausat per Bruxelles e dins aquel cas l'ajuda d'europa e del FMI contunharà, siá Grecia rassa sas obligacions actualas e Europe daissarà caire Grècia.
Desempuèi quatre ans Grècia costèc 150 Milliards d'euros. SE Grècia tornava far " default" alavetz son las bancas qu'engolarian la sèrp de las creanças e Grècia tornarà botar en plaça son aciena moneda devaluadas devèrs 40%.
Daissem lo pòble Grec causir... amai se bruxelles rufís las pòtas
Es pas l'esquèrra radicala, es l'esquèrra (am dejà desbrombat çò qu'èra).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari